តារាឆ្នើមរបស់ Manchester City កីឡាករ Kevin De Bruyne មានភាពច្បាស់លាស់នៅពេលត្រូវបានសួរថាតើគាត់នឹងជ្រើសយក Cristiano Ronaldo ឬ Lionel Messi ជាដៃគូលេងជាក្រុមជាមួយគាត់?
Messi និង Ronaldo បានគ្របដណ្ដប់លើវិស័យបាល់ទាត់អស់រយៈពេលជាច្រើនឆ្នាំ ដោយភាពលេចធ្លោ និងយូរអង្វែង របស់ពួកគាត់បានឈ្នះពានរង្វាន់ជាច្រើន និងពានរង្វាន់បុគ្គល។
ខណៈពេលដែល De Bruyne គឺជាកីឡាករល្អបំផុតក្នុងបាល់ទាត់សម័យទំនើប តែគាត់ទទួលស្គាល់ថាគាត់មិនស្ថិតក្នុងកម្រិតដូចគ្នាជាមួយ Ronaldo និង Messi នោះទេ។
កីឡាករអន្តរជាតិបែលហ្ស៊ិករូបនេះបានប្រឈមមុខនឹងជើងខ្លាំងទាំងពីរពេញមួយអាជីពរបស់គាត់ ប៉ុន្តែបានផ្តល់ហេតុផលច្បាស់លាស់សម្រាប់ការពេញចិត្តគ្នាទៅវិញទៅមក។
ទោះបីជាវាប្រហែលជាមិនពេញចិត្តអ្នកគាំទ្រ Manchester City ក៏ដោយ ប៉ុន្តែកីឡាករវ័យ 33 ឆ្នាំរូបនេះបានបង្ហើបថាគាត់នឹងជ្រើសរើសលេងជាមួយ Ronaldo ខណៈដែលគាត់មានអារម្មណ៍ថា Messi អាចនឹងរំខានដល់ស្ទីលលេងរបស់គាត់។
Kevin De Bruyne បានឆ្លើយប្រាប់អ្នកកាសែតថា “ខ្ញុំជ្រើសរើសលេងជាមួយ Ronaldo ពីព្រោះគាត់ជាខ្សែប្រយុទ្ធ។ Messi នៅតែជាខ្សែបម្រើប្រយុទ្ធច្រើនជាង។ ខ្ញុំជាអ្នកលេងខ្សែបម្រើប្រយុទ្ធ ដូច្នេះខ្ញុំអាចលេងសុីសង្វាក់គ្នាជាមួយនឹងខ្សែប្រយុទ្ធ” ។
